Տէրունեան ընտանիքը Մարաշի Քիշիֆլի գիւղէն (Մարաշ քաղաքին արեւմուտքը) է։ Կէմիքսիզեան եւ Մաճառեան ընտանիքները Մարաշ քաղաքէն են։ Այս երեք ընտանիքները Մարաշի տարածքի իրենց հայրենի տուները վերջնականօրէն կը ձգեն 1920-ին։ Անոնք 1920-ականներու սկիզբէն բնակութիւն կը հաստատեն Լիբանանի մէջ։
Յակոբ Տէրունեանի 1925 թուակիր լիբանանեան անձնաթուղթը, որ կը կրէ նաեւ Յակոբին լուսանկարը։ Նշուած է որ Յակոբ ծնած է 1890-ին, Մարաշ, հայրանունն է Աւետիս, իսկ մայրանունը՜ Կատար, թէեւ անձնաթուղթին մէջ գրուած է Ֆէտօր, ինչ որ սխալմունք մըն է։ Յակոբ կը մահանայ Պուրճ Համուտի մէջ 1982-ին։
1. Արթին Տէրունեանի 1925 թուակիր լիբանանեան անձնաթուղթը։ Ապրելատեղ նշուած է Պէյրութի Մըտաուուար թաղամասը, ինչ որ կը համապատասխանէ հայկական գաղթակայանի վայրին։
2. Էլմաստ Տէրունեանի (ծնեալ Կէﬕքսիզեան) 1925 թուակիր լիբանանեան անձնաթուղթը։ Նշուած է որ ծնած է Մարաշ 1896-ին, հայրանունը՝ Գարեգին։
