Երզնկա - «Մետաքս թաշկինակ» (կնոջական պար)

«Մետաքս թաշկինակ»ը երգ-պար մըն է, ուր պարողները աւանդաբար կ’երգեն եւ այդպիսով սեփական երաժշտական նուագակցութիւնը կը կատարեն պարելու ընթացքին: Անցեալին, իւրաքանչիւր կին թաշկինակ կը կրէր, իսկ մետաքսեայ թաշկինակը հասարակութեան մէջ բարձր կարգավիճակի խորհրդանիշ էր:

«Մետաքս թաշկինակ»ը Երզնկայի այն պարերէն է, որ իրենց հետ Ֆրեզնօ եւ Գալիֆորնիոյ Սան Խոաքիմ հովիտ բերած են հայ առաջին գաղթականները:

Աղբիւր.- Արա Ղոլտոյեան: Թոմ Պոզիկեան այս պարը սորված է պատանեկութեան տարիներուն Գալիֆորնիոյ մէջ: Այս պարը պահպանելու համար աշխատած է նաեւ Ֆրենսիս Աճոյեան։

Կատարում.- Շարքով կամ բաց շրջանով, պարագլուխը՝ ձախ կողմը: Ինչպէս Երզնկայի բազմաթիւ պարեր, պարը կը յառաջանայ դէպի ձախ, ի տարբերութիւն հայկական պարի աւելի տարածուած կերպին՝ դէպի աջ յառաջացող: Բոլոր պարողները թաշկինակ մը կը պահեն իրենց բթամատին եւ ցուցամատին միջեւ՝ միացնելով ճկոյթ մատները: Կշռոյթը՝ 4/4:

Մետաքս թաշկինակս քեզ կը նուիրեմ,
Գիշեր-ցորեկ ես քու սիրով կը մաշեմ:
Ա՜խ, երանի ես քեզ տեսած չըլլայի,
Գիշեր-ցորեկ միտքս խաղաղ պահէի:

Անգութ աղջիկ, ինչո՞ւ քովէս հեռացար,
Սիրտս, սիրտս կոտրեցիր հեռացար:
Ամէն ատեն ես քեզ կը յիշեմ,
Սիրտիս խորէն ախ ու վախ կը քաշեմ:
 

Ձայնագրուած երաժշտութիւն.– Թոմ Պոզիկեան, Ճոն Պիլեզիքճեան, 2000-ի շուրջ / Կայ եւ Ռուբէն Չուքուրեան, Lightning Records, 1952։

Պարողներ.– Թոմ Պոզիկեան եւ Շիրի Քինկ։

Շնորհակալութիւններ Արշակ Չուքուրեանին, Անի Մարտիրոսեան-Կարզոնին, Յարութ Առաքելեանին եւ Ճեսի Քենաս-Քոլլինզին։